“Qərb-Resurs” VCİD İB ölkənin humanitar və əməkdaşlığa əsaslanan, ictimai maraqlar naminə, əsasən, ölkənin qərb bölgəsində (Qazax-Gəncə) fəaliyyət göstərən qeyri-hökümət təşkilatıdır.
Birliyin əsas məqsədi insan hüquq və azadlıqlarının qorunması, sosial rifahın təmin edilməsi və demokratik cəmiyyət quruculuğuna dəstək verməkdir. Birliyin əsas vəzifələri aşağıdakılardır:
- Vətənadaş cəmiyyətinin inkişafina dəstək olmaq;
- Demokratik dəyərləri təbliğ etmək;
- insan sağlamlığının qorunmasına yardım etmək
- infrastrukturun inkişaf etdirilməsi
- sərhədlərarası münasibət və əməkdaşlığı inkişaf etdirmək
- sosial problemləri aşkarlamaq və həllinə kömək etmək.
- İnsan hüquqlarının müdafiəsi və əhalinin hüquqi maariflənməsinə kömək etmək;
- Sosial problemlərin araşdırılmasına və həllinə kömək etmək;
Bu məqsədləri həyata keçirmək üçün Birlik zəruri institusional və texniki imkanlara malikdir. Açıq Cəmiyyət İnstitutunun-Yardım Fondunun Qərb Resurs VCİD İB- nə ayırdığı institusional yardım sayəsində yaradılmış və Qazax rayonunda fəaliyyət göstərən “Qərb Resurs Mərkəzi” bölgə sakinlərinə çeşidli xidmət göstərir. 2012-ci ilin Mart ayından fəaliyyət göstərən Mərkəz 2 istiqamət üzrə fəaliyyət göstərir:
1. Dəyişiklik və inkişaf yönümlü fəaliyyət çərçivəsində aşağıdakı xidmətlər göstərilir:
- Araşdırma və İnnovasiyalar;
- İctimai İnformasiya;
- Maarifləndirmə;
2. Qayğı və rifahın artırılması fəaliyyət çərçivəsində isə:
- Hüquqi yardım, sosial məsələlər üzrə konsultasiyalar, və bu mövzularda təlimlərin, konfransların, seminarların, görüşmələrin keçirilməsi kimi xidmətlərin göstərilməsi;
- Resursların səfərbər olunması;
- İnsan resurslarının inkişafı